Şu gün Birleşen Arap Emirlikleri baş baýramy – Milli gününi baýram edýär. Birleşen Milletler Guramasynyň Howanyň üýtgemegi baradaky Çarçuwaly konwensiýasyna gatnaşyjy taraplaryň 28-nji maslahatyny (СOP-28) kabul edýän BAE-niň hökümeti milli baýramyny dünýäniň köp döwletinden gelen myhmanlara bilen belleýär.
Mälim bolşy ýaly, Türkmenistanyň Prezidenti hem Birleşen Milletler Guramasynyň Howanyň üýtgemegi baradaky Çarçuwaly konwensiýasyna gatnaşyjy taraplaryň 28-nji maslahatyna (СOP-28) gatnaşýar.
Dubaýda geçirilen BAE-niň döredilmeginiň 52 ýyllygy mynasybetli geçirilen baýramçylyk dabarasynda ýurduň milli aýratynlyklary açylyp görkezildi. Bu dabara СOP-28 maslahatyna gatnaşmak üçin Dubaýa baran dünýä döwletleriniň ýolbaşçylary gatnaşdylar.
