2022-nji ýylda Katarda geçiriljek futbol boýunça dünýä çempionatyna Ýewropa sebitinden gatnaşjak milli ýygyndylar üçin pleý-off tapgyrynyň bijeleri çekildi. Ozal, diňe pleý-off duşuşyklary bir tapgyra geçirilýän bolsa, indi ol çylşyrymlaşdyrylyp, 2 duşuşyk esasynda geçirilýär.
Pleý-off tapgyryna galan milli ýygyndylar saýlama ýaryşynda öz toparçalarynda ikinji orny eýelän ýygyndylardyr. Pleý-off tapgyrynyň duşuşyklary 24-nji we 29-njy martda geçiriler.
Şol ýygyndylaryň arasynda çekilen bijeleriň netijesinde, ilkinji duşuşykda:
“A” ädim: Uels-Awstriýa hem-de Şotlandiýa-Ukraina
“B” ädim: Russiýa-Polşa hem-de Şwesiýa – Çehiýa
“Ç” ädim: Portugaliýa-Türkiýe hem-de Italiýa – Demirgazyk Makedoniýa
Bu 12 milli ýygyndydan 3 sanysy dünýä çempionatyna gatnaşar.
ITALIÝA ÝA-DA PORTUGALIÝA DÜNÝÄ ÇEMPIONATYNA GATNAŞYP BILMEZ
Pleý-off tapgyrynyň geçiriliş tertibi şeýle:
Meselem, Portugaliýanyň toparçasyna ser salalyň. Onda Portugaliýa dünýä çempionatyna gatnaşmak üçin ilkinji bilen 24-nji martda Türkiýäni ýeňmeli, soňra 29-njy martda bolsa Italiýa bilen Demirgazyk Makedoniýa arasyndaky duşuşygyň ýeňijisi bilen ýene-de bir duşuşyk geçirmeli. Şol duşuşykda ýeňiş gazanan halatynda dünýä çempionatyna gatnaşyp biler.
Şeýlelikde, ýa Portulgaliýa ýa-da Italiýa dünýä çempionatyna gatnaşyp bilmeýär.
Türkiýäniň Prezidenti Türkmenistana döwlet sapary bilen gelýär