2026-njy ýylda ABŞ-nyň, Kanadanyň we Meksikanyň bilelikde gurnaýan futbol boýunça dünýä çempionatyna 48 ýurduň milli ýygyndysy gatnaşar. Şol ýygyndylaryň 42-si belli boldy.
Demirgazyk we Merkezi Amerika (KONKAKAF) boýunça 2026-njy ýylyň dünýä çempionatyna saýlama tapgyry tamamlandy.
Amerikadaky saýlama ýaryşynyň netijeleri boýunça Panamanyň, Kýurasao-nyň we Gaitiniň milli ýygyndylary dünýä çempionatynyň final bölegine gönüden-göni gatnaşmaga hukuk aldy, Surinam bilen Ýamaýka bolsa yklymlararara pleý-off tapgyrynda çykyş eder.
Şeýlelikde, geljekki dünýä çempionatyna gatnaşjak 48 ýygyndynyň 42-si belli boldy.
DÜNÝÄ ÇEMPIONATYNA GATNAŞJAK MILLI ÝYGYNDYLAR
Ýer eýeleri milli ýygyndylary: ABŞ, Meksika, Kanada
Ýewropa: Germaniýa, Şweýsariýa, Şotlandiýa, Fransiýa, Ispaniýa, Portugaliýa, Niderlandlar, Awstriýa, Norwegiýa, Belgiýa, Angliýa, Horwatiýa
Demirgazyk/Merkezi Amerika (KONKAKAF): Panama, Kýurasao, Gaiti
Günorta Amerika (KONMEBOL): Argentina, Braziliýa, Ekwador, Urugwaý, Kolumbiýa, Paragwaý
Aziýa: Eýran, Ýaponiýa, Günorta Koreýa, Saud Arabystany, Katar, Iordaniýa, Özbegistan
Afrika: Alžir, Tunis, Müsür, Gana, Marokko, Kabo-Werde, Kotto-d’Iwuar, Senegal, Günorta Afrika (ÝAR)
Awstraliýanyň milli ýygyndysy Aziýanyň saýlama tapgyry arkaly gatnaşmaga hukuk aldy, Täze Zelandiýa bolsa Okeaniýa boýunça saýlamadan geçdi.
Galan alty gatnaşyjy mart aýynda belli bolar — saýlama tapgyryň soňky iki basgançagynyň netijesi boýunça: Ýewropanyň pleý-off tapgyry arkaly 4 milli ýygyndy we yklymlararara pleý-off tapgyry boýunça 2 milli ýygyndy dünýä çempionatyna gatnaşmak hukugyna eýe bolar.