29-njy noýabrdan 30-njy noýabra geçilen gije Saud Arabystanynyň Er-Riýad şäherinde “PFL 2024” garyşyk söweş sungaty ýaryşynyň final tutluşyklary geçirildi. Şol ýaryşlaryň birinde Döwletjan Ýagşymyradow bilen Impa Kasanganaý duşuşygy boldy. Tutluşyk ýarym agyr agramda geçirildi we ildeşimiz Döwletjan Ýagşymyradow ýeňiş gazandy hem-de çempionlyk guşagyna eýe boldy.
Şeýlelikde, Döwletjan Ýagşymyradow ýarym agyr agramda “PFL 2024” ýaryşlarynyň çempiony hem-de 1 million dollarlyk pul baýragynyň eýesi boldy.
Döwletjan Ýagşymyradow
Döwletjan Ýagşymyradow – “ACA” ýaryşlarynyň ozalky çempiony. Ol bu ugurdaky çempionlyk derejesini ýitirmän, özüni ummanyň aňyrsynda synap görýär. Ol ilki bilen “Bellator” ýaryşlarynda çykyş etdi. Soňra “PFL” ýaryşlaryna goşulyp, bu ýerde finala çenli gelmegi başardy.
Ol bu ýaryşlarda güýçli garşydaşlary Kori Anderson, Rafael Karwalýom Julius Anglikas we Rob Uilkonson bilen bäsleşdi.
Döwletjan “PFL” ýaryşlarynda geçiren 3 tutluşygynda ýeňiş gazandy. Ol ilki bilen şu ýylyň aprelinde Jeýkob Nedohdan üstün geldi, soňra bolsa, 21-nji iýunda Simon Biýongy hem-de 16-njy sentýabrda Rob Uilkonsony ýeňmegi başardy.
Ýagşymyradow we Kasanganay maglumatlary
| Görkeziji | Ýagşymyradow | Kasanganaý |
| Raýatlygy | Türkmenistan | ABŞ |
| Ýaşy | 35 | 30 |
| Boýy | 180 | 183 |
| Rekord | 25-7-1 | 18-4-0 |
| Nokaut bilen gazanan ýeňişleri | 13 | 5 |
| Gyssagly ýeňişleri | 4 | 4 |
| Ozalky tutluşygy | 16.08.2024 | 16.08.2024 |
| Ýeňişli tutluşyklary | 6 | 3 |