UEFA-nyň Çempionlar ligasynyň çärýek finalynyň ilkinji duşuşyklary geçirildi. Onda Angliýanyň “Arsenal” topary öz meýdançasynda geçen ýylyň çempiony “Real Madrid” toparyny kabul edip, 3:0 hasabynda utdy.
Germaniýanyň “Bawariýa” topary bolsa öz meýdançasynda Italiýanyň “Inter” toparyndan 2:1 hasabynda utuldy.
Londonyň “Arsenaly” janköýerleriň garaşylmadyk netijesini gazandylar. Iňlis toparynyň ýarymgoragçysy Deklan Raýsyň uzak aralykdan geçiren 2 goly belki UEFA-nyň Çempionlar ligasynyň iň owadan gollary bolup biler. Hususan-da, 2-nji goly has-da tapawutlandy.
Deklan Raýs duşuşygyň 58-nji we 70-nji minutlarynda, şeýle hem Mikel Merino 75-nji minutda tapawutlandy.
Beýleki duşuşykda bolsa, “Bawariýa” topary “Interi” kabul etdi. Italýan topary 38-nji minutda Laotaro Martinez hem-de Dawide Fratezziniň gollary bilen ýeňiş gazandy. German toparynyň ýeke-täk goluny Tomas Müller geçirdi.
Bu toparlaryň arasyndaky jogap duşuşygy 16-njy aprelde geçiriler.