Ýewropanyň naýbaşy ýaryşy bolan Çempionlar Ligasynyň 4-nji tapgyrynyň duşuşyklary geçirildi. “E”, “F”, “G” we “H” toparçalarynda jemi 8 duşuşyk geçirildi. Şolaryň netijesi boýunça käbir gyzykly maglumatlary dykgatyňyza ýetirýäris.
- “Barselona” topary şu möwsümde ilkinji gezek myhmançylykda ýeňiş gazandy. Topar Ukrainanyň “Dinamo Kiýew” toparyny 1:0 hasabynda utdy.
- “Bawariýa” toparynyň polşaly hüjümçisi Robert Lewandowski Çempionlar Ligasynda 100-njy duşuşygyny geçirdi. Ol özüniň 100-nji duşuşygynda 3 gol geçirdi we bu ugurda 6-njy futbolçy boldy. Lewandowski 100-nji duşuşygynda 81 gol geçirdi. Bu rekord. Dünýä belli futbolçylar Lionel Messi 102 duşuşykda 80 gol geçiren bolsa, Kristiano Ronaldo 116 duşuşykda 80 gol geçirmegi başardy.
- “Mançester Ýunaýted” topary 2018-nji ýylyň oktýabryndan bäri Çempionlar ligasynda bassyr 18 duşuşykda deňme-deň oýnamandy. Bu gezek Italiýanyň “Atalanta” topary bilen 2:2 hasabynda deňme-deň oýnady.
- “Zalsburg” topary şu möwsüm başlandan bäri 21 duşuşykdan bäri ýeňilmän gelýärdi. Olar bu gezek Germaniýanyň “Wolsburg” toparyn 3:1 hasabynda utuldy.
- Fransiýanyň “Lill” topary Çempionlar ligasynda 10 oýundan bäri ýeňiş gazanyp bilmän gelýärdi. Olar soňky gezek 2012-2013-nji möwsümde “BATE” toparyny 2:0 hasabynda utupdy. Şondan soňra fransuz topary bu gezek “Sewilýa” toparyny 2:1 hasabynda ýeňmegi başardy.
- Dibala “Ýuwentus” toparynyň düzüminde Çempionlar ligasynda 18 pökgi geçirip, Turin klubynyň iň köp pökgi geçiren oýunçysy hökmünde Filippo Inzagiden öňe geçdi.