Türkmenistanyň Bilim ministrliginde Beýik Britaniýanyň “British Education Network” guramasynyň wekiliýeti hem-de “AD Education UK” edarasynyň direktorlar geňeşiniň başlygy Dewid Beýker bilen duşuşyk geçirildi. Bu barada Türkmenistanyň Bilim ministrliginiň resmi saýtynda habar berilýär.
Bu duşuşyk bilim ulgamynda türkmen-britan hyzmatdaşlygynda möhüm tapgyr boldy. Türkmenistanyň bilim ministri Jumamyrat Gurbangeldiýew 2025-nji ýylyň Halkara parahatçylyk we ynanyşmak ýyly diýlip yglan edilendigini belläp, hemişelik Bitaraplygynyň 30 ýyllygyny belleýän döwletimiziň durnukly ösüş hem-de halkara hyzmatdaşlyk ýörelgelerine ygrarldygyny belledi.
Duşuşygyň barşynda 2024-2025-nji ýyllardaky bilelikdäki taslamalar boýunça pikir alşyldy, şol sanda:
- Türkmenistanyň ýokary okuw mekdepleriniň halkara reýtinglerdäki ýokary bahasy (THE Impact Rankings 2024, UI GreenMetric World University Ranking);
- “Accelerating English Language Learning in Central Asia” taslamasynyň çäklerinde iňlis dilini okatmagyň döwrebap usullary boýunça üstünlikli geçirilýän seminarlar;
- Öňdebaryjy britan uniwersitetleri bilen onlaýn maslahatlaşmalar.
Beýik Britaniýanyň wekiliýeti “British International University Turkmenistan” taslamasyny döretmek teklibi bilen ýüzlenip, London uniwersitetiniň baý tejribesi hakynda maglumat berdi.
“British Education Network” platformasy hem-de London uniwersitetiniň tejribesi 17 sany meşhur kolležleri birleşdirip, 40 döwletde 100-den gowrak hyzmatdaşlar bilen hyzmatdaşlyk edýär.