2026-njy ýylda 3 döwletde – ABŞ-da, Meksikada we Kanadada geçiriljek futbol boýunça dünýä çempionatyna gatnaşjak milli ýygyndylar kem-kemden belli bolup başlady.
Günorta amerika sebitinde saýlama oýunlarynyň tamamlanmagyna 2 tapgyr galanda ozal gatnaşmak hukugyna eýe bolan Argentinandan soňra Braziliýa bilen Ekwador hem dünýä çempionatyna gatnaşar.
Karlo Ançelottiniň tälim berýän Braziliýa milli ýygyndysy Paragwaýy 1:0 hasabynda utup, 23-nji gezek dünýä çempionatyna gatnaşmak hukugyna eýe boldy.
Braziliýa häzirki wagta çenli ähli dünýä çempionatlaryna gatnaşan ýeke-täk milli ýygyndydyr. Bu gezekki 23-nji bolar.
Şeýle hem bu sebitden Ekwador hem 5-nji gezek futbol dünýäsiniň iň uly ýaryşyna gatnaşmak hukugyna mynasyp boldy.
DÜNÝÄ ÇEMPIONATYNA GATNAŞMAK HUKUGYNA EÝE BOLAN DÖWLETLER:
ýer eýeleri: ABŞ, Kanada, Meksika
Aziýa: ýaponiýa, Eýran, Özbegistan, Iordaniýa
Okeaniýa: Täze Zelandiýa, Awstraliýa
Günorta Amerika: Argentina, Braziliýa, Ekwador