Soňky birnäçe ýylda karýerasyndaky iň iri iki konsert maksatnamasyny geçiren aýdymçy Beýonseniň baýlygy 1 milliard dollara ýetdi. Ol adamsy Jay-Z, aýdymçylar Rihanna we Teýlor Swift, şeýle hem sazanda Brýus Springstin ýaly beýleki milliarder sazandalara goşuldy.
“Forbes USA”-nyň bellemegine görä, Beýonse 2023-nji ýylda “The Renaissance World Tour” atly dünýä turuna çykdy. Bu tur ýylyň iň uly konsert wakalarynyň birine öwrülip, takmynan 600 million dollar girdeji getirdi. 2024-nji ýylda aýdymçy “Cowboy Carter” atly kantri albomyny çykardy. Bu albom oňa Roždestwo güni NFL oýnunyň arakesmesinde çykyş etmäge hem-de 2025-nji ýylyň iň girdejili konsert turuny geçirmäge mümkinçilik berdi.
Aýdymçynyň baýlygynyň esasy bölegi onuň aýdym-sazyndan gelip çykýar. Muňa aýdym-sazyna bolan hukuklary doly gözegçilikde saklamagy we dünýä boýunça gastrollardan alýan girdejileri sebäp bolýar. 2010-njy ýylda Beýonse “Parkwood Entertainment” kompaniýasyny esaslandyrdy. Bu kompaniýa onuň ähli aýdym-sazlaryny, dokumental filmlerini we konsertlerini prodýuserlik edýär.
Mundan başga-da, Beýonsa saç ideg serişdeleri üçin “Cecred” atly öz brendi hem-de “Ivy Park” egin-eşik markasy degişlidir.