Şu gün hormatly Prezidentimiz Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda käbir guramaçylyk wezipelerine seredildi.
“Watan” habarlar gepleşiginde bellenilip geçilişi ýaly, hormatly Prezidentimiz Ministrler Kabinetiniň mejlisinde Türkmenistanyň söwda we daşary ykdysady aragatnaşyklar ministri Begenç Goçmollaýewi çagyrdy.
Döwlet Baştutanymyz Begenç Goçmollaýewi işde goýberen düýpli kemçilikleri üçin Türkmenistanyň söwda we daşary ykdysady aragatnaşyklar ministri wezipesinden boşatdy.
Türkmenistanyň söwda we daşary ykdysady aragatnaşyklar ministri wezipesini wagtlaýyn ýerine ýetirmek söwda we daşary ykdysady aragatnaşyklar ministriniň orunbasary Kerimberdi Gurbanowyň üstüne ýüklenildi.
Begenç Goçmollaýew 2022-nji ýylda Türkmenistanyň söwda we daşary ykdysady aragatnaşyklar ministri wezipesine bellenipdi we ozal söwda we daşary ykdysady aragatnaşyklar ministriniň orunbasary wezipesinde işläpdi.