2025-nji ýylyň futbol boýunça klublaryň arasynda dünýä çempionaty ABŞ-da 15-nji iýundan 13-nji iýula çenli geçirilýär. Klubara dünýä çempionaty barada bilmeli möhüm maglumatlar:
2025-nji ýylyň futbol boýunça klublaryň arasynda dünýä çempionaty ABŞ-da 15-nji iýundan 13-nji iýula çenli geçirilýär. Bu formatyň üýtgedilmeginden soňky ilkinji ýaryş bolar. Mundan ozal, bu ýaryşa 7 klub gatnaşan bolsa, şu ýyl bäsleşige 32 topar gatnaşar we olar 8 toparça bölünýärler. Şeýle hem, bu ýaryş indi her ýyl däl-de, 4 ýylda bir gezek geçirilýär.
Oýunlar 11 şäherde, 12 stadionda geçirilýär: Finalyň duşuşygy 13-nji iýulda «Metlýaf Stadium» stadionynda Ist-Ruterford şäherinde geçiriler.
Bäsleşikde 6 konfederasiýadan jemi 32 topar çykyş eder. Olaryň arasynda 12 ýewropaly, 6 günorta amerikaly, 4 afrikaly, 4 aziýaly, 4 KONKAKAF, şeýle hem Okeaniýa we myhmançylyk edýän ýurduň futbol toparlary bar.
Ýaryşa 2021-2024 ýyllar aralygyndaky halkara bäsleşiklerdäki klublaryň ýeňişleri hem-de klublaryň reýtingleri we koeffisientleri esasynda toparlar gatnaşdyrylýar. Ýewropa toparlary üçin ýene-de bir çäklendirme bolup, bir ýurtdan iki klubdan artyk gatnaşmak bolmaýar. Şunuň bilen baglylykda, «Barselona» we «Liwerpul» bu ýaryşda çykyş etmeýär.
Ýaryşa gatnaşýan meşhur klublar: «Real», «Atletiko», «Mançester Siti», «Çelsi», «Bawariýa», PSŽ, «Flamengo», «Riwer Plate».
Toparlar 8 toparça bölündi, her birinde 4 topar bar.
Klubara dünýä çempionatyna gatnaşýan toparlaryň düzümi:
A toparça: «Al-Ahli», «Inter Maýami», «Palmeýras», «Porta»;
B toparça: «Atletiko», «Botafogo», PSŽ, «Siýetl Saunders»;
C toparça: «Bawariýa», «Benfika», «Boka Júnior», «Oklend Siti»;
D toparça: «Los-Anjeles», «Flamengo», «Çelsi», «Esperans»;
E toparça: «Inter», «Monterreý», «River Plate», «Urawa Red Daimonds»;
F toparça: «Borussiýa» (Dortmund), «Mamelodi Sandaundz», «Ulsan», «Fluminense»;
G toparça: «Al-Aýn», «Vidad», «Mançester Siti», «Ýuventus»;
H toparça: «Al-Hilal», «RB Zalzburg», «Paçuka», «Real» (Madrid).
2025-nji ýylyň futbol boýunça klubar arasynda dünýä çempionatynyň umumy bäsleşik baýragy 1 milliard dollar bolar. Çempion bolan hem-de toparlaýyn tapgyrda ähli oýunlarda ýeňiş gazanan topar $125 milliona çenli pul gazanyp biler.