Tailand Patyşalygynyň paýtagty Bangkok şäheriniň ady üýtgedilýär. Munuň üçin degişli işler alnyp barylýar. Şäheriň adynyň üýtgedilmegi blen baglanyşykly öňe sürlen başlangyç birnäçe tapgyrda amala aşyrylýar.
Şäher mundan beýläk Krung-Thep-Maha-Nakhon diýlip atlandyrylýar. Ol taý dilinden terjime edilende “Beýik paýtagtyň perişdeler şäheri” diýen manyny berýär.
Tailandyň paýtagtynyň 1782-nji ýylda esaslandyryldy we häzirki wagtda Günorta-Gündogar Aziýanyň çalt depginde ösüýän megapolisine öwrüldi. Onuň tutýan meýdany 1,5 müň inedördül kilometr bolup, ilkibaşda şäher Krung-Rattanakosin-In Aýutthaýa diýlip atlandyryldy. Bu at Patyşa Rama I döwründe berlipdi. Soňra Patyşa Rama III döwründe şäher Bangkok-Bowon-Rattanakosin-Mahinta-Aýutthaýa diýlip atlandyrylypdy.
“Bangkok” sözi Çao-Praýýa derýays bilen baglanyşdyrýarlar. Şäher bu derýanyň kenarynda guruldy.
Aslynda, Tailandyň paýtagty taý dilinde hemişe Krung-Thep-Maha-Nakhon diýlip atlandyrylypdyr. Ýöne onuň iňlis dilindäki atlandyrylyşy Bangkok hasaplanypdyr. 2001-nji ýylda Tailandyň Patyşalyk alymlar geňeşi Bangkokyň resmi taýdan ulanylmagyna rugsat beripdi. Bu geňeş häzirki wagtda paýtagtyň adynyň üýtgedilmegi babatda işleri geçirýär.