2019-njy ýylda dünýäniň 500 baý adamynyň emlägi 25 göterim ýokarlandy, pul birliginde bu ýagdaý 1,2 trillion dollara deňdir. Bu barada “Bloomberg” habarlar gullugy habar berýär. Ýyllyk maglumatlara görä, dünýäde uly üstünliklere eýe bolýan işewürleriň emläginiň jemi 5,9 trillion dollara deň boldy. Emlägiň ösüşi boýunça öňdeligi LVMH kompaniýasynyň ýolbaşçysy Bernar Arno eýeledi. Onuň baýlygy 36,5 milliard köpeldi. Ol sanawda üçünji orny eýeläp, arassa maýasy 100 milliard dollara barabardyr.
Dünýäniň iň baý adamlarynyň sanawynda entegem öňdeligi “Amazon.com” internet kompaniýasynyň esaslandyryjysy, “Blue Origin” aerokosmos kompaniýasynyň we “The Washington Post” neşirýat öýüniň eýesi Jeff Bezos eýeleýär.