Türkmenistanyň futbol boýunça milli ýygyndysy Aziýa Kubogy-2027-niň saýlama tapgyrynda Tailandyň ýygyndy topary bilen duşuşdy. “D” toparçasyndaky «Aşgabat» köpugurly stadionynda geçirilen duşuşykda Türkmenistanyň ýygyndysy Tailandyň ýygyndysyny 3:1 hasabynda ýeňdi.
turuwbaşdan gowy oýun görkezen Türkmenistanyň milli ýygyndysy duşuşygyň 1-nji minutynda Mihail Titow bilen öňe saýlandy. Garşy toparyň futbolçysy Supaçai Çaided 35-nji minutda hasaby 1:1 ýetirdi.
Bu goldan 2 minutdan soňra, ýagny 37-nji minutda Yhlas Saparmämmedow Türkmenistanyň ýygyndysy 2:1 hasabynda öňe geçirdi. Tailandyň ýygyndysyna garanyňda, ýeňiş üçin has köp yhlas eden Türkmenistanyň ýygyndysy 66-njy minutda Mekan Saparow bilen hasaby 3:1-e ýetirdi.
Şeýlelikde, Türkmenistanyň ýygyndysy 3:1 hasabynda ynamly ýeňiş gazanyp, geçiren 2 oýnunda hem ýeňiş gazanyp, 6 utuk jemledi.
Saýlama oýunlaryň birinji tapgyrynda Türkmenistanyň milli ýygyndy topary myhmançylykda Hytaý Teýpeýiniň milli ýygyndysyny myhmançylykda 2:1 hasabynda ýeňlişe sezewar edipdi.
Röwşen Meredowyň tälim berýän Türkmenistanyň ýygyndy topary saýlama oýunlaryň çäklerinde 6 duşuşyk geçirer: 2025-nji ýylda 5 we 2026-njy ýylyň martynda 1 oýun oýnar.
Saýlama oýunlaryň çägindäki 6 toparçanyň ýeňijileri Saud Arabystanynda geçiriljek Aziýa-2027 Kubogynyň jemleýji tapgyryna gatnaşmak üçin ýollanma alarlar.