DÜNÝÄ

Astrahan-Türkmenbaşy ugry boýunça adaty uçar gatnawlaryny açmak teklip edildi

Türkmenistanyň Prezidenti Serdar Berdimuhamedow “Hazar — dostluk deňzi” motoýörişiniň kerwenine ýolbaşçylyk edip ýurdumyza gelen Russiýa Federasiýasynyň Astrahan oblastynyň gubernatory Igor Babuşkini kabul etdi.

TASS-yň habar bermegine görä, Igor Babuşkin Türkmenistanyň Prezidentine Astaran bilen Türkmenbaşy şäherleriniň arasynda yzygiderli awiagatnawlary açmak mümkinçiligine seretmegi teklip etdi.

– “Hazar — dostluk deňzi” motoýörişiniň çäklerinde Aşgabatda şäherinde Türkmenistanyň Prezidenti bilen Astrahan oblastynyň gubernatorynyň arasynda duşuşyk geçirildi. Igor Babuşkin Türkmenistanyň Prezidentine ýakyn wagtda Astrahanda “Beýik Pýotr” kruiz gämisiniň suwa goýberiljekdigi barada habar berdi. Ol Hazar deňzinde hereket etmek üçin guruldy. Gubernator “Türkmenistan” awiakompaniýasynyň Astrahan-Türkmenbaşy ugyr boýunça adaty uçar gatnawlaryny açmak mümkinçiligini seretmegi teklip etdi – diýlip, metbugat beýanatynda bellenilýär.

Duşuşygyň çäklerinde ynsanperwer ugrundaky gatnaşyklar hem ara alnyp maslahatlaşyldy. Astrahanda Türkmenistandan 1 müňden gowrak talyp bilim alýar. Bu sebit geljekde-de Hazarýaka sebiti döwletleriniň hünärmenlerini taýýarlamak işine uly gyzyklanma bildirýär.

Ýene-de okaň

Özbegistan bilen Azerbaýjan söwda dolanyşygyny 1 milliard dollara ýetirer

Türkmenistan bilen Mali Awazadaky forumy maslahatlaşdy

Türkmenistanyň we Merkezi Afrika Respublikasynyň ministrleriniň telefon söhbetdeşligi

Türkmenistanyň wekiliýeti Ösüşi maliýeleşdirmek boýunça dördünji halkara maslahata gatnaşýar

R.Meredow Malawiniň daşary işler ministri bilen telefon arkaly söhbetdeşlik geçirdi

Türkmenistan bilen Gazagystanyň hyzmatdaşlyk gatnaşyklary maslahatlaşyldy