ARKADAG ŞÄHERI – YLHAM
Arkadagyň ak şäheri «Arkadag»
Gadymy Ahalyň iň ajap kendi
Arkadagyň ak şäheri «Arkadag».
Şanyňa döreder şahyrlar bendi,
Arkadagyň bagt şäheri «Arkadag».
Beýik Köpetdagyň edil alkymy,
Güneş nury deýin saçyp ýalkymy,
Bu juwan göwnümiň baky galkymy,
Arkadagyň ak şäheri «Arkadag»
Ajaýyp binalaň döwrebap, kämil,
Bu ýerde toý tutýar bunsanjy kän il,
Ekologiýa taýdan arassa, tämiz,
Arkadagyň bagt şäheri «Arkadag».
Elektrik ulaglar, elektron gurluş,
Daşky gurşaw bilen sazlaşyk gurmuş,
Sende rowaçlanýar täze bir durmuş,
Arkadagyň ak şäheri «Arkadag».
Ruhy sagdynlygmyz gurşaýar seri,
Buýsanjyň kalbyňa sygarmy, ýeri,
«Ýaşyl ykdysadýet» galkynan ýeri,
Arkadagyň bagt şäheri «Arkadag».
Belent binalaryň hatarma-hatar,
Ajaýyp boýlary asmana ýeter,
Saňa söýgim bugün joşýar has beter,
Arkadagyň ak şäheri «Arkadag».
Akylly şäheriň emeli aňy,
Bütin dünýä ýüzne salyp dur ýaňy,
Türkmeniň jahanda atan ak daňy,
Arkadagyň bagt şäheri «Arkadag»
Dünýä işewürligniň täze merkezi,
Galkyndyrýar diýarymy, her kesi,
Milli Lidermiziň kalbynyň sesi
Arkadagyň ak şäheri «Arkadag».
Kärizek bilen Gorjaw – goşa ganatyň,
«Arkadag» binasy şähre zynatyň,
«Akhan» ymaratyň – ajap syratyň,
Arkadagyň bagt şäheri «Arkadag».
Binalaň ak, sen aklygyň şäheri,
Parahatlyk, asudalyk säheri,
Sende güllär baky bagtyň bahary,
Arkadagyň ak şäheri «Arkadag».
Saňa uzar dost-doganlyk ýollary,
Hoşniýetli hyzmatdaşlyk gollary,
Gülzara öwrer sagy-sollary,
Arkadagyň ak şäheri «Arkadag».
Seýilgähleň göýä jennet mekany,
Terçemenli baglaň kalbyň dükany,
Sende nesilleriň kämil bekäni,
Arkadagyň bagt şäheri «Arkadag».
Bagtyýar çagalaň şadyýan sesi,
Guwandyrýar, türkmen ilin her kesi,
Gadymy Ahalyň täze merkezi,
Arkadagyň bagt şäheri «Arkadag».
Halkara sylaglaň sany ýigrim bir,
Durnukly ösüşli asryň ýigrim bir,
Ýene-de özgerder asryň ýigrim bir,
Arkadagyň ak şäheri «Arkadag».
Arkadagly Serdar köňül buýsanjy,
Watanyň daýanjy, halkyň guwanjy,
Milli Lidermiziň dünýä söýünji,
Arkadagyň bagt şäheri «Arkadag»
Toýly Jänädow
Mary welaýatynyň Mary etrabynyň
Ruhubelent geňeşliginiň ýaşaýjysy.