Türkmenistanyň «Arkadag» klubynyň AFK-nyň Çagyryş ligasynyň finalynda Kambojanyň «Şwaý Rieng» topary bilen duşuşar.
Ýaryşyň ikinji ýarym final oýnunda Kambojanyň topary Indoneziýanyň «Madura Ýunaýted» kluby bilen deňme-deň oýnady (3:3), emma öz meýdançasynda 3:0 hasaby bilen ýeňendigi sebäpli, «Şwaý Rieng» kluby finalda oýnamaga hukuk gazandy.
Mälim bolşy ýaly, «Arkadag» topary Çagyryş ligasynyň 1/2 final jogap duşuşygynda öz meýdançasynda Kuweýtiň «Al-Arabi» toparyndan 3:0 hasabynda ynamly ýeňiş gazanmagy başardy.
Final duşuşygy 10-njy maýda «Şwaý Rieng» stadionynda geçiriler, ol Aşgabat wagty bilen sagat 17:00-da başlanar.