ABŞ-nyň tehnologiýa kompaniýasy “Apple” 2023-nji ýylda smartfon satuwy boýunça “Samsung” -dan öňe geçip, birinji ýeri eýeledi. Bu barada “Bloomberg” habarlar gullugy “International Data Corporation” kompaniýasyna salgylanyp habar berýär.
Maglumatlara görä, 2023-nji ýylda smartfonlaryň satuwynda “Apple” kompaniýasynyň “iPhone” kysymly smartfonlaryň dünýä bazaryndaky paýy 235 milliona deň boldy. Telefon bazarynyň öňdebaryjylaryndan “Samsung” kompaniýasynyň bazardaky paýy 226,6 milliona deň boldy.
Şeýle hem telefon bazarynda Hytaýyň “Xiaomi Corp”, “Transsion”, “Vivo” ýaly kompaniýalar öňdeligi eýeleýär.