Dünýä belli “Amazon” kompaniýasy “Metro Goldwyn Mayer” kinokompaniýasyny satyn aldy.
Bu geleşik soňky 5 ýylyň iň uly geleşigi bolup, “Amazon” kompaniýasyna “Netflix” we “Disney+” ýaly ýaýlym hyzmatyny berýän şereketler bilen bäsleşmäge mümkinçilik berýär.
“Amazon” kompaniýasy “Metro Goldwyn Mayer” kinokompaniýasyny 8,5 milliard dolara satyn aldy. Jeff Bezos tarapyndan esaslandyrylan kompaniýanyň beren beýanatynda, kompaniýa sanly ýaýlym platformalaryna maýa goýumlaryny dowam etdirýär.
Berlen maglumatlara görä, “MGM” kinokompaniýasynyň işgärleriniň hemmesi we studiýanyň ýolbaşçylary bilen işleşmäge taýýardyklary we işgärleriň işden çykarylmagynyň göz öňünde tutulmaýandygy mälim edildi.
“Amazon” kompaniýasy özüniň “Prime Video” platformasynda “Metro Goldwyn Mayer” kinokompaniýasynyň 4 müňden gowrak filmini, şeýle hem 17 müňden gowrak şüweleňli gepleşiklerini ýaýlyma bermäge mümkinçilik alýar.
Harytlary we hyzmatlary internet arkaly satýan dünýäniň iň uly onlaýn söwda kompaniýasy bolan “Amazon” kompaniýasy Jeff Bezos tarapyndan 1994-nji ýylda ABŞ-da esaslandyryldy.
“MGM” kinokompaniýasy üç kinostudiýanyň birleşmegi netijesinde 1924-nji ýylda esaslandyryldy.