Şu gün Kuala-Lumpur şäherinde geçirilen bije çekişlik dabarasynda AFK-nyň Çempionlar ligasynyň toparçalaýyn bäsleşiginde çykyş edýän «Ahal» toparynyň garşydaşlary mälim boldy. Bu barada Türkmenistanyň Futbol federasiýasy habar berýär.
Geçirilen bije çekişligiň netijesinde “F” toparça düşen “Ahalyň” garşydaşlary «Şabab Al-Ahli Dubaý» (BAE), «Fulad Huzestan» (Eýran) hem-de «Al-Garafa» (Katar) toparlary bolar.
Çempionlar ligasynyň şu möwsüminde toparçalaryň onusy bolup, olaryň hersinde dört topar çykyş eder. Toparçalaýyn bäsleşigiň netijesinde öz toparçalaryny birinji orunda tamamlanlar hem-de iň gowy netije gazanan ikinji orunlary eýelän toparlaryň üçüsi ýaryşy dowam etdirmäge hukuk gazanarlar.