Özbegistan Respublikasynyň Prezidenti Şawkat Mirziýoýew ABŞ-nyň Senatynyň milli howpsuzlyk we hökümetiň işleri boýunça komitetiniň başlygy Geri Piters bilen duşuşdy.
Duşuşygyň barşynda iki ýurduň arasyndaky strategik hyzmatdaşlygy mundna beýläk pugtalandyrmak, şeýle hem parlamentara dialogyň çäklerinde hyzmatdaşlygy giňeltmegiň meseleleri ara alnyp maslahatlaşyldy.
Iki ýurduň arasyndaky özara saparlaryň işjeň ýagdaýyna kanagatlanma bildirildi. Ikitaraplaýyn söwda gatnaşyklary ösdürilýär. Möhüm ynsanperwer maksatnamalar durmuşa geçirilýär.
Duşuşykda sebit hyzmatdaşlygy barada hem pikir alşylyp, ABŞ-nyň Prezidenti Jo Baýdeniň başlangyjy bilen BMG-niň Baş Assambleýasynyň çäklerinde Nýu-Ýork şäherinde geçiriljek «С5+1» formatynda ABŞ-nyň we Merkezi Aziýanyň Baştutanlarynyň birinji sammitine görülýän taýýarlyk meseleleri hem ara alnyp maslahatlaşyldy.