ABŞ-nyň Aşgabatdaky ilçihanasy tarapyndan ýerleşdirilen habara görä, “2025-nji ýylyň Sport boýunça Ählumumy Liderlik Maksatly Mentorluk Programmasy – Sportdaky Zenanlar” maksatnamasyna gatnaşmak üçin ýüzlenmeler açyldy.
Bu bäş hepdelik çalşyk maksatnamasy ABŞ-da geçiriler we sport ugurlarynda işleýän, ýolbaşçylyk ukyby bolan ýaş zenanlaryň öz hünärini ösdürmeklerine mümkinçilik döreder. Olar Amerikaly hünärmenleriň ýolbaşçylygynda tejribe alarlar.
Talaplar:
- 25–45 ýaş aralygyndaky sport ugurlarynda işleýän zenanlar
- Iňlis dilinde arassa aragatnaşyk saklap bilmek
- Çalt depginde we fiziki taýdan talaply programma gatnaşmaga taýýar bolmak
Maksatnama 2025-nji ýylyň 27-nji sentýabryndan 6-njy noýabry aralygynda ABŞ-da geçiriler.
Ýüzlenme üçin email: AshgabatEducation@state.gov
Arza tabşyrmak üçin soňky möhlet: 11-nji iýun, 2025