Saud Arabystanydan soňra Katar Döwletinde saparda bolan ABŞ-nyň Prezidenti Donald Tramp Katar bilen ABŞ-nyň arasynda 1.2 trillion dollara barabar bolan ylalaşyklaryň gazanylandygyny habar berdi. Bu barada ABŞ-nyň Prezidentiniň metbugat gullugy habar berýär.
Doha şäherinde Katar Döwletiniň Emiri Şeýh Tamim Bin Hamad Al Tani bilen ABŞ-nyň Prezidenti Donald Trampyň arasynda ýokary derejede gepleşikler geçirildi. Gepleşikleriň jemleri boýunça umumy bahasy 1.2 trillion dollara barabar bolan ykdysady geleşiklere gol çekildi.
Şol ylalaşyklaryň hatarynda ABŞ-nyň “Boeing” kompaniýays bilen taryhy ylalaşyklar gazanyldy. Amerikan aerogurluşyk kompaniýasy ýakyn geljekde Katar Döwletiniň iri awiakompaniýays bolan “Qatar Airways” kompaniýasyna 210-dan gowrak “Boeing 787 Dreamliner” döwrebap ýolagçy uçarlaryny üpjün eder.
Mälim bolşy ýaly, Trampyň Saud Arabystanyna amala aşyran saparynda 600 milliard dollara barabar ylalaşyklara gol çekilipdi.