Maşgala (FM) wizasyny resmileşdirmek üçin:
1) Daşary ýurt raýatyna maşgala (FM) wizasyny resmileşdirmek üçin ýüztutma, 3 nusgada;
2) maşgala (FM) wizasyny resmileşdirmek üçin ýüz tutulýan daşary ýurt raýatlarynyň sanawy, 3 nusgada;
3) işewürlik, işçi, talyp ýa-da sport wizasy esasynda Türkmenistanda bolýan daşary ýurt raýatynyň ýelmenen wizasy bolan hakyky daşary ýurt pasportynyň nusgasy;
4) işewürlik, işçi, talyp ýa-da sport wizasy esasynda Türkmenistanda bolýan daşary ýurt raýatynyň maşgala agzalarynyň (äri/aýaly, kämillik ýaşyna ýetmedik çagalary we eklenjinde bolýan ata-enesi) hakyky daşary ýurt pasportynyň nusgasy;
5) olaryň garyndaşlygyny tassyklaýan resminamalar;
6) ýüz tutýan tarapyň ygtyýarly edilen wezipeli adamy tarapyndan wiza işleri boýunça ygtyýarly wekiline berýän ynanç haty (birinji gezek ýüz tutanda, ynanç hatynyň möhleti tamamlananda ýa-da üýtgetmeler girizilen ýagdaýlarynda) talap edilýär.
Source : www.migration.gov.tm