Ýakynda «Galaxy A30» bilen «Galaxy A50»-ni satlyga çykaran «Samsung» kompaniýasy bu iki nesliň aralygyndaky «A40» smartfonlarynyň önümçiligini biraz egläpdi. Indi bolsa «A40»-lar hem müşderileriň ygtyýarynda. Heniz satlyga çykmanka, onuň bahasynyň 300 ― 350 ýewro töwereginde boljakdygy çaklanylýardy. Ýöne «A» tapgyrynyň «40-njy» nesli garaşylanyndan arzan satylýar. Ýakynda Ýewropa bazarlarynda ol 250 ýewrodan başlaýan bahalar bilen satlyga çykdy.
6,4 dýumlyk «AMOLED Infinity-U» ekrany bolan smartfon görnüşleri 2340Ñ…1080 piksel ýygylygynda görkezýär. Täze telefon hem «Galaxy A30» modelinde ulanylan «Samsung Exynos 7904» prosessory bilen işleýär. Onuň ýady 64 gigabaýta deň. Ol «Android 9.0 Pie» ulgamynda işleýär.