Nýu-Ýorkdaky BMG-niň ştab-kwartirasynda Dostlaryň toparynyň mejlisiniň çäklerinde Pakistanyň daşary işler ministri Muhammad Ishak Dar bilen Türkmenistanyň daşary işler ministri Raşid Meredowyň arasynda duşuşyk geçirildi.
Taraplar ikitaraplaýyn gatnaşyklaryň oňyn ösüşini seljerdiler hem-de Pakistan bilen Türkmenistanyň arasyndaky gatnaşyklaryň çuňňur häsiýete eýedigini tassykladylar.
Pakistanyň DIM-niň habar bermegine görä, Muhammad Ishak Dar söwda, maýa goýumlary, oba hojalygy, energetika, ulag we sebitara baglanyşyk ulgamlarynda hyzmatdaşlygy işjeňleşdirmegiň möhümdigini nygtady. Hususan-da, ol Pakistanyň Türkmenistana ýokary hilli et we oba hojalyk önümlerini eksport etmäge taýýardygyny mälim etdi.
Gepleşikleriň dowamynda demir ýol, awtomobil, awiasiýa we deňiz gatnawyny ösdürmek arkaly sebit üstaşyr geçelgelerini hem-de düzümleýin baglanyşygy berkitmäge aýratyn üns berildi. Bu bolsa söwdany, täjirçilik işjeňligini we ynsanperwer alyş-çalşygy höweslendirmäge gönükdirilendir.
Mundan başga-da, taraplar sebit we halkara gün tertibiniň esasy ugurlaryny ara alyp maslahatlaşyp, Birleşen Milletler Guramasy hem gysganyşykda bolmak bilen, köptaraplaýyn meýdançalarda özara hyzmatdaşlygy giňeltmäge taýýardyklaryny tassykladylar.