2026-njy ýylyň 30-njy aprelinde Kanadanyň Wankuwer şäherinde FIFA-nyň 76-njy kongresi geçirildi. Bu ähmiýetli forumda Türkmenistanyň Futbol federasiýasynyň (TFF) wekilleri hem gatnaşdy. Türkmen wekilleri FIFA-nyň ýolbaşçylary we beýleki milli federasiýalar bilen duşuşup, çagalar futboluny ösdürmek we infrastrukturany döwrebaplaşdyrmak meselelerini ara alyp maslahatlaşdylar.
FIFA-nyň täze tälimçilik we seljeriş programmalary öwrenildi. Bu bolsa milli ýygyndylaryň we klublaryň taýýarlyk derejesini halkara standartlara laýyk getirmäge ýardam berer. Komgressde aýallar futboluny goldamak we 2026-njy ýylyň Dünýä çempionatynyň guramaçylygy baradaky möhüm meseleler ara alyp maslahatlaşyldy.
Şeýle hem Aziýa yklymynyň futbolunyň geljegini kesgitleýän 28-nji aprelde AFK-nyň 34-nji kongresinde Türkmenistanyň Futbol federasiýasynyň wekilleri işjeň gatnaşdylar. Forumyň dowamynda yklym futbolunyň ösüş strategiýasyna we täze halkara taslamalara garaldy. AFK-nyň tehniki ösüş taslamalarynyň çäginde Türkmenistanyň futbolunda iki sany ileri tutulýan ugur bellenildi.
Sanly seleksiýa: Ýaş zehinleri ýüze çykarmak işini sanly ulgama geçirmek. “Grassroots” programmasy: Köpçülikleýin futboly ýurdumyzyň ähli welaýatlarynda giňden ornaşdyrmak.
Bu kongres Türkmenistanyň Aziýa futbol maşgalasynyň abraýly agzasydygyny ýene bir gezek tassyklady.