Öň habar berşimiz ýaly, türkmen garyşyk söweş sungaty boýunça türgen Döwletjan Ýagşymyradow (26-8-1) 16-njy aprelde “Professional Fighters League” guramasynyň Belfast şäherinde geçirilen ýaryşynda awstraliýaly Taýson Pedro (10-5) bilen duşuşdy. Çekeleşikli geçen söweşde ildeşimiz Döwletjan ýeňiş gazandy.
PFL-niň orta agram derejesindäki häzirki çempiony amerikaly Kori Anderson (20-6, 1 NC) bolup, ol 2025-nji ýylyň oktýabrynda Dubaýda geçirilen titul söweşinde Ýagşymyradowy eminleriň çözgüdi bilen ýeňipdi.
Türkmen türgeni dürli ýyllarda ACB we ACA guramalarynyň çempiony boldy. Şeýle hem ol 2024-nji ýylda PFL-niň ýarym agyr agram derejesinde geçirilen Gran-pri ýaryşynyň ýeňijisi boldy.