Türkmenistanyň Prezidenti Serdar Berdimuhamedowyň sanly ulgam arkaly geçirilen Ministrler Kabinetiniň mejlisinde gol çeken resminamasyna laýyklykda, 2026-njy ýylyň 8-nji martyndaky dynç güni 9-njy marta — duşenbe gününe geçirildi. Şu resminamanyň ýerine ýetirilmegini eýeçiliginiň görnüşine garamazdan, ähli edaralara, kärhanalara we guramalara üpjün etmek bellenildi.
“Watan” habarlar gepleşiginde bellenilip geçilişi ýaly, hormatly Prezidentimiz 8-nji mart Halkara zenanlar gününiň ýokary derejede bellenilip geçiljekdigini belledi. Şonuň üçin döwlet Baştutanymyz 8-nji martyndaky dynç güni 9-njy marta — duşenbe gününe geçirmek hakynda degişli resminama gol çekdi.
Şeýle hem hormatly Prezidentimiz kümüş şaçly enelerimizi hem-de ähli gelin-gyzlarymyzy ýetip gelen Halkara zenanlar güni mynasybetli tüýs ýürekden gutlady.