2026-njy ýylyň futbol möwsümi uly çekeleşik bilen başlaýar. Ispaniýanyň Supekubogynyň ýarym finallary tamamlandy we finalda bizi dünýäniň iň uly derbisi — “El-Klasiko” garaşýar.
Ispaniýanyň “Real” topary futbol boýunça Ispaniýanyň Superkubogynyň ýarym final duşuşygynda “Atletiko” toparyny 2:1 hasabynda ýeňdi. Ýaryş Saud Arabystanynda geçirilýär.
Ýeňiji toparyň düzüminde gollary Federiko Walwerde (2-nji minut) we Rodrigо (55-nji minut) geçirdi. Utulan toparda ýeke-täk gol Aleksandr Sýorlota (59-njy minut) degişlidir.
Finalda “Real” topary ozal “Atletik Bilbao” toparyny 5:0 hasabynda ýeňen “Barselona” topary bilen duşuşar. Duşuşyk 11-nji ýanwarda geçiriler.
ISPAN SUPERKUBOGY BARADA
Ispaniýanyň Superkubogy 2019/20-njy möwsüminden bäri mini-ýaryş görnüşinde geçirilýär. Adatça oňa ýurduň çempiony we wise-çempiony, şeýle hem milli kubogyň ýeňijisi we finalçysy gatnaşýar. Emma geçen möwsümde “Barselona” iki ýaryşy hem utdy, “Real” bolsa iki ýaryşda-da kümüş medal eýesi boldy. Şonuň üçin şu ýylky Ispaniýanyň Superkubogynda soňky milli çempionatda üçünji we dördünji orunlary alan toparlar gatnaşýarlar.
Ýaryş 1982-nji ýyldan bäri geçirilýär. Ýeňişleriň sany boýunça rekordyň eýesi “Barselona” toparydyr (15 gezek). Geçen möwsümde katalon kluby finalda “Real” toparyny 5:2 hasabynda ýeňipdi.