ABŞ-nyň hokkkeý boýunça milli ýygyndysy dünýä çempionatynyň final duşuşygynda Şweýsariýanyň ýygyndysyny ýeňip, dünýä çempiony boldy. Çempionat Şwesiýanyň Stokgolm şäherinde geçirildi.
Duşuşyk 1:0 hasabynda amerikalylaryň peýdasyna tamamlandy. Goşmaça wagtda, ýagny 63-nji minutda Teýj Tompson tapawutlandy.
Şeýlelikde, ABŞ 65 ýyldan soňra 3-nji gezek dünýä çempiony boldy. Mundan ozal, 1933-nji we 1960-njy ýyllarda çempion bolan ABŞ-nyň ýgyndysy 9 gezek kümüş medalyň eýesi boldy.
Şweýsariýanyň ýygyndysy 5 gezek finala çykdy we 5-sind ehem ýeňildi. Mundan ozal, Şweýsariýa 1935-nji, 2013-nji. 2018-nji we 2024-nji ýyllaryň finalynda oýnapdy.
Hokkeý boýunça dünýä çempionaty 1920-nji ýyldan bäri geçirilýär. 1930-njy ýyldan bäri bu ýaryş her ýyl geçirilýär. Dünýä çempiony bolmakda Kanadanyň milli ýygyndysy rekordyň eýesidir. Bu döwlet 28 gezek çempion boldy. Ilkinji üçlüge Russiýa (22 gezek SSSR, 5 gezek Russiýa) we Çehiýa (7 gezek Çehiýa, 6 gezek Çehoslowakiýa) girýär.
Russiýanyň milli ýygyndysy bassyr 4 çempionata gatnaşmady. Soňky gezek 2021-nji ýylda gatnaşypdy.