BMG-niň Baş sekretary Antoniu Guterriş Täjigistan bilen Gyrgyz Respublikasynyň arasynda döwlet serheti boýunça gol çekilen şertnama uly baha berdi. Bu barada BMG-niň Baş sekretarynyň metbugat sekretary Stefan Džarrik habar berdi.
Onuň bellemegine görä, Antoniu Guterriş iki ýurduň arasynda gol çekilen taryhy ylalaşygyň iki ýurduň liderleriniň syýasy ygrarlylygynyň netijesinde amala aşyrylandygyny belledi.
– Iki ýurduň arasyndaky özara ynam, hoşniýetli goňşuçylyk we parahatçylyk boýunça durnukly hyzmatdaşlygyň nusgasy bolup durýar – diýip, metbugat beýanatynda bellenilýär.
Mälim bolşy ýaly, 13-nji martda Täjigistanyň Prezidenti bilen Gyrgyz Respublikasynyň Prezidenti döwlet serheti boýunça degişli ylalaşyga gol çekdiler.
Prezident Sadyr Žaparow resmi jemgyýetçilik sahypasynda bu tayrhy ylalaşyk barada şeýle diýdi: “Şu gün 101 ýyl (1924-nji ýyldan bäri) çözülmän galan Gyrgyzystan bilen Täjigistanyň arasyndaky serhet meselesi ahyrsoňy çözüldi”.