UEFA Çempionlar Ligasynda pleý-off tapgyrynyň bijeleri çekildi. Bijä laýyklykda, Fransiýanyň PSŽ topary “Brest” bilen duşuşar. “Milanyň” garşydaşy “Feýenoord” bolup, başga bir duşuşykda-da “Ýuwentus” bilen PSW 1/8 finala çykmak üçin güýç synanyşar. Ýagny 2 duşuşykda italýan we niderland toparlary duşuşarlar.
Soňky duşuşykda ýeňiş gazanyp, pleý-offa galan “Mançester Sitiniň” bijesine-de “Real Madrid” düşdi. Iki topar soňky ýyllarda birnäçe gezek duşuşdylar. Bu bolsa soňky 2 ýylyň çempionynyň haýsy hem bolsa biriniň bu möwsümde ýaryşyndan ir gaýtjakdygyny görkezýär. “Bawariýa” bolsa “Seltik” bilen duşuşar.
Pleý-off tapgyrynyň bijeleri:
“Brest” – PSŽ
“Mançester Siti” – “Real Madrid”
“Monako” – “Benfika”
“Seltik” – “Bawariýa”
“Klub Brýugge” – “Atalanta”
“Ýuwentus” – PSW
“Sporting” – “Borussiýa Dortmund”
“Feýenord” – “Milan”
1-nji duşuşyklar 9-16-njy orunlarda tamamlanlaryň meýdançasynda geçiriler. Duşuşyklar 11-12-nji fewralda hem-de 18-19-njy fewralda oýnalar.
Pleý-off tapgyrynda ýeňiş gazanan 8 topar 1/8 finala çykar. Çempionlar ligasynyň umumy tapgyrynda oňat netije görkezen 8 topar – “Liwerpul”, “Barselona”, “Arsenal”, “Inter”, “Atletiko”, “Baýer”, “Lill” we “Aston Willa” gönüden-göni 1/8 finala çykmagy başarypdy.