SPORT

Neýmar “Al-Hilal” topary bilen şertnamasyny ýatyrdy

Dünýä belli brazil futbolçy Neýmar bilen Saud Arabystanynyň “Al-Hilal” toparynyň arasyndaky şertnama resmi taýdan ýatyryldy. Bu barada saud topary jemgyýetçilik tory arkaly habar berdi.

– Taraplaryň özara ylalaşygy esasynda “Al-Hilal” topary bilen Neýmaryň arasyndaky şertnamany ýatyryldy. Neýmara sag bolsun aýdýarys we üstünlik arzuw edýäris  – diýip, beýanatda bellenilýär.

Brazil futbolçy 2023-nji ýylyň awgustynda Fransiýanyň “PSŽ” toparyndan “Al-Hilal” toparyna geçdi. Saud topary bu futbolçy üçin 90 million ýewro töledi. Ýyldyz futbolçy şikesi sebäpli Saud Arabystanynyň häzirki çempionynyň düzüminde bary-ýogy 7 duşuşykda oýnady we 1 gezek tapawutlandy.

Neýmaryň öz ýurduna dolanyp, “Santos” toparyna gaýdyp gelmegine garaşylýar. 5-nji fewralda futbolçy 33 ýaşaýar.

Ýene-de okaň

Ronaldo iň köp girdeji gazanýan türgen

Türkmenistanly samboçylar Belarusda 13 medal gazandylar

Ýurdumyzyň samboçylary Belarus Respublikasynyň Prezidentiniň baýragy ugrundaky ýaryşyň ilkinji gününde alty medal gazandylar

Türkmenistanyň zenanlar ýygyndysy halkara ýaryşda birinji ýeňşini gazandy

Türkmenistanly küştçi Daşkentde geçirilen halkara ýaryşda ýeňiji boldy

“Real” myhmançylykda “Mançester Sitini” ýeňdi