Käbir bilermenler her nesliň öz tapawutly häsiýetleriniň bardygyny öňe sürüp, adamlary doglan wagtyna görä, nesillere bölýär. Mysal üçin, 1997-2009-njy ýyllarda doglanlar Z nesli diýlip atlandyrylýar. 2010-njy ýyldan başlap bolsa, Alfa nesli diýilýärdi. Indi bolsa, 2025-nji ýyldan başlap dünýä inen çagalar Beta nesli diýlip atlandyrylar.
Bu barada jemgyýeti öwreniji Mark MakKrindl mälim etdi. Bilermeniň bellemegine görä, 2025-2039-njy ýyllarda dünýä inen çagalar bu nesle degişli bolar. 2035-nji ýyla çenli Beta nesli dünýä ilatynyň 16 göterimini emele getirer.
Şeýle hem täze nesliň agzalaryň aglaba bölegi 22-nji asyry hem görerler. Täze nesil tehnologiýadan has köp peýdalanar. Birküç ýyllykda peýda bolan we barha ýaýbaňlanýan emeli aň geljek nesliň durmuşyna görnetin täsir eder.
2010-njy ýyla çenli doglanlary öz içine Alfa nesli adalgasyny hem MakKrindl orta atypdy.
Soňky 100 ýyldaky nesiller şeýle atlandyryldy: sessiz nesil (1928-1945), “Baby Boomer” (1946-1964), X nesli (1965-1980), Y nesli (mileniumlylar) (1981-1996), Z nesli (1997-2009) we Alfa nesli (2010-2024).