Türkiýe Respublikasynyň Ýokary bilim geňeşiniň (YÖK) ýolbaşçysy Prof. Dr. Erol Özwar Dijle uniwersitetinde eden çykyşynda Türkiýede okaýan daşary ýurtly talyplaryň sany barada maglumat berdi.
– Türkiýäniň ýokary bilim ulgamyny sebitde we ählumumy derejede ýokary derejelere çykarmagy maksat edinýäris. Ýurdumyzda bilim alýan daşary ýurtly talyplaryň sany yzygiderli artýar. Häzirki wagtda 200-e golaý ýurtdan 340 müň talyp bilim alýar. Muny 500 müňe ýetirmegi meýilleşdirýäris – diýip, Ýokary bilim geňeşiniň (YÖK) ýolbaşçysy Prof. Dr. Erol Özwar belledi.