Şu gün Türkmenistanyň Prezidenti Serdar Berdimuhamedowyň we Russiýa Federasiýasynyň Prezidenti Wladimir Putiniň arasynda telefon arkaly söhbetdeşlik boldy. Russiýa Federasiýasynyň Prezidentiniň metbugat gullugynyň habar bermegine görä, Wladimir Putin hormatly Prezidentimizi doglan güni bilen gutlady.
Şeýle hem iki ýurduň Baştutanlary ikitaraplaýyn hyzmatdaşlyk gatnaşyklary we öňde boljak sammitlere görülýän taýýarlyklar barada pikir alyşdylar.
– Telefon söhbetdeşliginiň barşynda Russiýa Federasiýasynyň Prezidenti Türkmenistanyň Prezidentini doglan güni bilen tüýs ýürekden gutlady. Türkmen-rus hyzmatdaşlyk gatnaşyklaryny mundan beýläk-de hemmetaraplaýyn ösdürmek ugrunda taraplaryň çemeleşmeleri tassyklandy – diýlip, metbugat beýanatynda bellenilýär.
Telefon söhbetdeşliginde oktýabr aýynda Türkmenistanda we Russiýada boljak iri halkara çäreler – Moskwada GDA-nyň sammiti we Kazanda BRIKS sammiti, şeýle hem Aşgabatda Magtymguly Pyragynyň doglan gününiň 300 ýyllygyna bagyşlanan halkara forum boýunça pikir alşyldy.
Şeýle hem Wladimir Putin Türkmenistanyň Prezidentine doglan güni mynasybetli gutlag hatyny hem iberipdi.