Mundan sanlyja gün «Şagadamy» Ýokary liganyň 19-njy tapgyrynda 5:1 hasaby bilen ýeňen «Arkadag» topary Türkmenbaşy şäherine wekilçilik edýän garşydaşyndan ýene-de üstün çykdy. Bu gezek 3:0 hasabynda ýeňiş gazanan «Arkadag» futbol topary jogap duşuşygy üçin uly artykmaçlyk gazandy.
Ýokary ligadaky duşuşygy ätiýaçlykdaky günleriň birine geçirilen «Altyn Asyr» bilen «Merw» şu gün Kubok ýaryşynyň çärýek-finalynda biri-birini synaga saldylar. Ýakynda Hindistanda geçirilen saýlama duşuşykda buýsandyryjy ýeňiş gazanyp, AFK-nyň Çempionlar ligasy ― 2-niň toparçalaýyn tapgyryndan orun alan «Altyn Asyr» milli ýaryşlara-da üstünlik bilen dolanyp gelip, «Merwi» 3:1 hasabynda ýeňdi.
Balkanabat şäherinde geçirilen duşuşykda bolsa paýtagtymyzyň adybir futbol topary ýerli «Nebitçiden» 2:1 hasabynda üstün çykdy.
Türkmenistanyň kubogynyň çärýek-finalynyň birinji duşuşyklary ertir geçiriljek «Ahal» ― «Köpetdag» duşuşygy bilen tamamlanar.
***
Türkmenistanyň kubogy ― 2024. Çärýek-final duşuşyklarynyň netijeleri:
20.08.2024 ý.
«Arkadag» ― «Şagadam» ― 3:0.
[1:0] 26′ Şanazar Tirkişow
[2:0] 75′ Arslanmyrat Amanow
[3:0] 90+2’ Altymyrat Annadurdyýew
Geçirilen ýeri: «Nusaý» stadiony (Aşgabat ş.).
Duşuşygyň emini: A.Begnazarow (Mary ş).
Eminiň kömekçileri: Ş.Hydyrow (Balkanabat ş.), S.Çaryýew (Mary ş.).
Ätiýaçdaky emin: M.Allaberdiýew (Aşgabat ş.).
Gözegçi emin: M.Öwezdurdyýew (Mary ş.).
***
«Altyn Asyr» ― «Merw» ― 3:1
[1:0] 7’ Röwşen Halmämmedow
[2:0] 30’ Röwşen Halmämmedow
[3:0] 63’ Myrat Annaýew (11m.j.u.)
[3:1] 73’ Abdyresul Abdyýew.
Geçirilen ýeri: «Sport toplumy» (Aşgabat şäheriniň Büzmeýin etraby).
Duşuşygyň emini: R.Mämmedow (Aşgabat ş.).
Eminiň kömekçileri: E.Ýazmyradow (Aşgabat ş.), Ý.Jumamyradow (Aşgabat ş.).
Ätiýaçdaky emin: H.Gurbanow (Aşgabat ş.).
Gözegçi emin: G.Öwezow (Aşgabat ş.).
***
«Nebitçi» ― «Aşgabat» ― 1:2.
[0:1] 29’ Tirkişmyrat Sarymyradow
[1:1] 45+2’ Elýas Akyýew
[1:2] 85’ Şyhberdi Baýnazarow
Duýduryşlar:
51’ Begmyrat Pirkulyýew («Aşgabat»)
71’ Serdar Tukiýew («Nebitçi»)
82’ Daýanç Orazgulyýew («Nebitçi»)
84’ Ýeňiş Seýdiýew («Aşgabat»)
88’ Serdar Gulyýew («Nebitçi»)
88’ Serdar Orazalyýew («Aşgabat»)
Geçirilen ýeri: «Sport toplumy» (Balkanabat ş.).
Duşuşygyň emini: P.Pälwanow (Daşoguz ş.).
Eminiň kömekçileri: R.Ereşow (Türkmenabat ş.), A.Weliýew (Änew ş).
Ätiýaçdaky emin: A.Annamyradow (Balkanabat ş).
Gözegçi emin: E.Ramazanow (Aşgabat ş).