Täjigistan Respublikasynyň hökümeti “Täjigistan Respublikasyny 2040-njy ýyla çenli bagy-bossanlyga öwürmek boýunça döwlet maksatnamasy barada” karary kabul etdi. Bu barada Täjigistan Respublikasynyň hökümetiniň ýanyndaky Daşky gurşawy goramak komiteti habar berdi.
Bu maksatnama Komitet tarapyndan işlenip düzüldi we Täjigistan Respublikasynyň Prezidenti Emomali Rahmonyň tabşyrygy esasynda Täjigistan Respublikasynyň hökümetiniň garamagyna hödürlendi.
Ýörite maksatnama çäreleriniň durmuşa geçirilmegi ýurduň çägini abadanlaşdyrmaga, dürli görnüşdäki agaçlary we gyrymsy agaçlary oturtmaga we ösdürip ýetişdirmäge gönükdirilendir.
Maksatnamanyň hereket meýilnamasyna laýyklykda, 2025-2027-nji ýyllaryň birinji tapgyrynda respublikada 10 million 927 müň 758 agaç we gyrymsy agaç nahaly oturtmak meýilleşdirilýär.