Gazagystanyň Prezidenti Kasym-Žomart Tokaýew 18-19-njy ýanwarda Italiýa Respublikasynda we Watikan Döwletinde resmi saparda bolar. Bu barada Gazagystanyň Prezidentiniň metbugat gullugy habar berýär.
Kasym-Žomart Tokaýew saparynyň birinji gününde Italiýanyň Prezidenti Seržo Matarello hem-de Premýer-ministri jorji Meloni bilen duşuşar.
Şeýle hem gazak Lideri “Gazagystan-Italiýa” maýa goýum tegelek stolunyň başyndaky duşuşyga gatnaşyp, iri italýan kompaniýalaryň ýolbaşçylary bilen duşuşar.
19-njy ýanwarda Kasym-Žomart Tokaýewiň Rim Papasy Fransisk bilen duşuşygy göz öňünde tutulýar. Şeýle hem Gazagystanyň Prezidenti Azyk we oba hojalyk guramasynyň we BMG-niň Bütindünýä azyk maksatnamasynyň merkezi edarasyna baryp görer.