Russiýa Federasiýasynda prezident saýlawlary 2024-nji ýylyň 15-17-nji marty aralygynda 3 gün dowam eder. Bu barada ýurduň Merkezi saýlaw toparynyň agzalary degişli karar kabul etdiler.
– Merkezi saýlaw toparynyň 13 agzasy bu teklibi goldady, diňe biri garşylyk bildirdi. Karar kabul edildi – diýip, Merkezi saýlaw toparynyň başlygy Ella Pamfilowa habar berdi.
– Biziň saýlaw ulgamymyzda 3 günüň dowamynda ses bermek däbe öwrülýär. Ilkinji gezek bu usul pandemiýa döwründe amala aşyryldy. Onuň köp sanly artykmaçlary boldy – diýip, Pamfilowa mälim etdi. Şeýle hem ol köpçülikleýin pikir soraşmalar hem muny tassyklady diýip belledi.