Gazagystanyň Prezidenti Kasym-Žomart Tokaýew bilen Türkiýe Respublikasynyň Prezidenti Rejep Taýyp Ärdoganyň arasynda telefon arkaly söhbetdeşlik geçirildi. Bu barada Gazagystanyň Prezidentiniň metbugat gullugy habar berýär.
Söhbetdeşlik barşynda döwlet Baştutanlary iki ýurduň arasynda özara goldaw we ynam esasynda giňeldilen strategiki hyzmatdaşlygy has-da pugtalandyrmak isleýändiklerini tassykladylar.
Döwlet baştutanlary söwda, ykdysady, maýa goýumlary, medeni we gumanitar ugurlarda ikitaraplaýyn hyzmatdaşlygy çuňlaşdyrmagyň geljegini ara alyp maslahatlaşdylar we halkara we sebit gün tertibindäki häzirki meselelere garadylar.
Gazagystanyň we Türkiýäniň Prezidentleri şu ýylyň noýabr aýynda Astanada geçiriljek Türki Döwletleriň Guramasynyň X sammitine taýýarlyk işleriniň gidişi barada pikir alyşdylar. Kasym-Žomart Tokaýewiň pikirine görä, bu duşuşygy geçirmek türki döwletleriň arasyndaky gatnaşyklary ösdürmekde möhüm ädim bolar.