Türkmenistanyň Söwda senagat edarasynyň wekilleri Özbegistan Respublikasynyň Samarkand şäherindäki «Hilton Garden Inn» myhamanhanasynda geçirilen «Merkezi Aziýa-Pusan» ykdysady hyzmatdaşlyk forumyna gatnaşdy. Bu foruma Koreýa tarapyndan 20-den gowrak wekil gatnaşdy. Bu barada Söwda senagat edarasynyň resmi saýtynda bellenilip geçilýär.
«Merkezi Aziýa-Pusan» ykdysady hyzmatdaşlyk forumynyň geçirilmeginiň esasy maksady, Koreýanyň Pusan şäheriniň Merkezi Aziýa ýurtlary bilen söwda, syýahatçylyk, lukmançylyk, logistika ugurlary boýunça hyzmatdaşlygy ýola goýmakdan ybaratdyr.
«Merkezi Aziýa-Pusan» ykdysady hyzmatdaşlyk forumyna türkmen, gazak, täjik we özbek wekilliýetleri işjeň gatnaşdylar.