Türkmenistanyň BMG-niň ýanyndaky hemişelik wekilhanasynda Türkmenistanyň BMG-niň ýanyndaky hemişelik wekili Aksoltan Ataýewa bilen Braziliýanyň BMG-niň ýanyndaky hemişelik wekili Serhio Franç Danes bilen duşuşygy boldy. Bu barada Türkmenistanyň BMG-niň ýanyndaky hemişelik wekilhanasynyň resmi saýtynda bellenilip geçilýär.
Duşuşykda ikitaraplaýyn hyzmatdaşlygyň geljegi, şeýle hem halkara guramalarynyň, esasanam BMG-nyň çäginde Türkmenistan bilen Braziliýanyň arasyndaky gatnaşyklar ara alnyp maslahatlaşyldy.
Mundan başga-da, taraplar 2024-nji ýylyň başynda Türkmenistanyň Daşary işler ministrligi bilen Braziliýanyň Daşary işler ministrliginiň arasynda syýasy geňeşmeleri guramagyň mümkinçiligini ara alyp maslahatlaşdylar.
Duşuşygyň ahyrynda ilçiler iki ýurt üçin aýratyn gyzyklanma döredýän başlangyçlara özara goldaw bermek däbini dowam etdirmäge taýýardyklaryny mälim etdiler, şeýle hem özara ileri tutulýan ugurlara ýetmek we Türkmenistan bilen Braziliýanyň arasyndaky köptaraplaýyn hyzmatdaşlygy has-da çuňlaşdyrmak üçin işjeň hyzmatdaşlyk etmek isleýändiklerini tassykladylar.