Ozal hem habar berşimiz ýaly, Merkezi Aziýa döwletleriniň energetika ministrleriniň ilkinji duşuşygy Gazagystanyň paýtagty Astana şäherinde geçirildi. Şeýle hem Astana şäherinde Gazagystanyň, Özbegistanyň we Azerbaýjanyň Energetika ministrliginiň ýolbaşçylarynyň üçtaraplaýyn duşuşygy guraldy. Onuň çäklerinde Hazar deňziniň düýbünden eenergetika kabelini geçirmek babatda ähtnama gol çekildi.
Metbugat neşirlerinde habar berlişine görä, Gazagystanyň, Özbegistanyň we Azerbaýjanyň Energetika ministrliginiň ýolbaşçylary 3 ýurduň energetika ulgamlaryny birleşdirýän taslama boýunça hyzmatdaşlyk etmegiň şertlerini kesgitlediler.
Gazagystanyň energetika ministri Almasadam Satkaliýewiň başlyklyk etmeginde Özbegistanyň energetika ministri Žurabek Mirzamahmudowyň hem-de Azerbaýjanyň energetika ministriniň orunbasary Orhan Zeýnalowyň gatnaşmagynda duşuşyk geçirildi.
Hazar düýbünden kabeli geçirmek boýunça taslamanyň tehniki taraplary işlenip düzülipdi.