«Türkmenistan» awiakompaniýasy içerki gatnawlarda üstaşyr awiabiletleri satyn almak mümkinçiligini döredýär. Bu barada awiakompaniýanyň resmi internet sahypasynda bellenilip geçilýär.
Şol habarnamada üstaşyr awiabiletleri turkmenistanairlines.tm sahypadan we mobile goşundylary arkaly üpjün edip bilinýändigi bellenilip geçilipdi.
Umuman, «Türkmenistan» awiakompaniýasynyň bu baradaky habarnamasynda şeýle diýilýär:
Hormatly ýolagçylar!
«Türkmenistan» awiakompaniýasy» açyk görnüşli paýdarlar jemgyýetiniň turkmenistanairlines.tm onlaýn awiabilet satuw sahypasynda 2023-nji ýylyň fewral aýynyň 10-dan içerki howa gatnawlarynda üstaşyr awiabiletleri satyn alyp bilýändigiňiz barada Size habar berýäris.
Şeýle-de onlaýn awiabilet satuw saýtyndan daşary ýurt ugurlary boýunça awiabiletleri satyn alanyňyzda 2,5 göterim arzanladyşyň bardygy barada Size habar berýäris.