Eýran Yslam Respublikasynyň daşary işler ministri Hossein Amirabdollahian bilen telefon arkaly söhbetdeşlik geçiren Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow ýurdumyza sapar bilen Eýran Yslam Respublikasynyň daşary işler ministriniň ykdysady diplomatiýa boýunça orunbasary Mahdi Safari bilen duşuşdy.
Türkmenistanyň Daşary işler ministrliginiň metbugat gullugynyň habar bermegine görä, duşuşykda syýasy, diplomatik, söwda, ykdysady, medeni we ynsanperwer ugurlarda ikitaraplaýyn hyzmatdaşlygyň köp sanly meselesi ara alnyp maslahatlaşyldy.
Taraplar ikitaraplaýyn dostlukly gatnaşyklary giňeltmekde ýokary derejedäki duşuşyklaryň möhümdigini bellediler.
Gepleşikleriň dowamynda türkmen-eýran hökümetara toparynyň ykdysady hyzmatdaşlyk boýunça alyp barýan işleriniň ähmiýeti nygtaldy. Gün tertibinde ýangyç we energetika pudagynda hyzmatdaşlygy ösdürmek, ulag we üstaşyr potensialyny ösdürmek meseleleri hem bar.
Diplomatlar şu ýyl meýilleşdirilýän bilelikdäki çäreler we duşuşyklar babatda pikir alyşdylar.
Duşuşygyň ahyrynda taraplar dostluk, hoşniýetli goňşuçylyk we birek-birege hormat goýmak ýörelgelerine esaslanyp, türkmen-eýran hyzmatdaşlygyny mundan beýläk-de pugtalandyrmak ugrunda ygrarlydyklaryny tassykladylar.