Ykdysadyýetçi Meýram Kažyken Gazagystanyň Merkezi Saýlaw toparyna nobatdan daşary prezident saýawlary üçin dalaşgärlik resminamalaryny hödürlän ilkinji dalaşgär boldy. Bu barada ýurduň Merkezi Saýlaw toparynyň metbugat gullugy habar berýär.
– 4-nji oktýabrda Merkezi Saýlaw toparyna Kažyken Meýram Zekeşulynyň prezidentlige dala’gärlik hökmünde resminamalary hödürlendi. Ony “Amanat” Gazagystanyň Kärdeşler Arkalaşygynyň” arkalaşyklar bilelişigi dalaşgär görkezdi – diýlip, metbugat beýanatynda görkezilýär.
61 ýaşyndaky Meýram Kažyken “Astana” Halkara ylmy toplumyň Ykdysady barlaglar institutynyň ýolbaçysydyr.
Gazagystanda nobatdan daşary prezident saýlawlary 20-nji noýabrda geçiriler. Saýlawlar üçin dalaşgär görkezmek işi 23-nji sentýabrda badalga aldy we 11-nji oktýabra çenli dowam eder. Dalaşgärleri hasaba almak 21-nji oktýabrda tamamlanar. Saýlawyň öň ýanyndaky möwsüm 18-nji noýabra çenli dowam eder.
6-njy oktýabrda 3 sany syýasy partiýalary – “Amanat”, “Ak Žol” Demokratik partiýasy we Gazagystanyň Halk partiýasynyň nobatdan daşary mejlisleri geçiriler. Käbir synçylaryň pikirine görä, ýurduň häzirki Prezidenti Kasym-Žomart Tokaýewiň bu partiýalaryň ýeke-täk dalaşgäri bolmagyna garaşylýar.