Özbegistan Respublikasynyň Prezidenti Şawkat Mirziýoýew Türkmenistanyň Prezidentiniň çakylygy boýunça 28-nji noýabrda Aşgabatda iş saparynda bolup, Ykdysady Hyzmatdaşlyk Guramasynyň (YHG) döwlet Baştutanlarynyň 15-nji sammitine gatnaşar. Bu barada Özbegistanyň Prezidentiniň metbugat gullugy habar berýär.
Çäräniň gün tertibine laýyklykda Guramanyň çäginde köptaraplaýyn hyzmatdaşlygy has-da giňeltmek, ilkinji nobatda söwda gatnaşyklaryny ösdürmek, sebitiň üstaşyr geçiş mümkinçiligini ýokarlandyrmak, “ýaşyl ykdysadyýeti” ösdürmek we innowasiýalary girizmek meselesi ara alnyp maslahatlaşylar. Sammitiň jemleýji resminamasynyň kabul edilmegi göz öňünde tutulýar.
Şeýle hem Özbegistanyň Prezidenti Türkmenistanda birnäçe ikiçäk duşuşyklary geçirer.
Ykdysady Hyzmatdaşlyk Guramasy (YHG) sebitdäki ýurtlaryň arasynda ýakyn söwda we ykdysady gatnaşyklaryň ösmegine ýardam bermek üçin 1985-nji ýylda döredilen sebit leýin köptaraplaýyn gurluşdyr.
Häzirki wagtda onuň agzalary 10 döwlet – Özbegistan, Türkiýe, Eýran, Pakistan, Azerbaýjan, Gazagystan, Gyrgyzystan, Täjigistan, Türkmenistan we Owganystan.
Türkmenistan ÅHG-niň hökümet baÅŸtutanlarynyň mejlisine gatnaÅŸdy