Ýewropanyň öňdebaryjy futbol çempionatlarynyň öňdebaryjy toparlarynyň arasynda geçirilen UEFA-nyň Çempionlar Ligasynyň nobatdaky möwsümi badalga aldy.
Mälim bolşy ýaly, bir aý töweregi wagt mundan öň Türkiýe Respublikasynyň Stambul şäherinde Çempionlar ligasynyň bijeleri çekilipdir. Şonuň netijesinde emele gelen toparçalar boýunça futbol duşuşyklaryna badalga berildi.
Ýewropanyň iň naýbaşy ýaryşlarynda 1-nji tapgyryň duşuşyklary geçirildi.
DUŞUŞYKLARYŇ NETIJELERI
“Ýang Boýz” 2:1 “Mançester Ýunaýted”
“Sewilýa” 1:1 “Red Bull”
“Barselona” 0: 3 “Bawariýa”
“Dinamo Kiýew” 0:0 “Benfika”
“Wilýareal” 2:2 “Atalanta”
“Lill” 0:0 “Wolfsburg”
“Çelsi” 1:0 “Zenit”
“Malmo” 0:3 “Ýuwentus”.
RONALDYNYŇ REKORDY
“Mançester Ýunaýted” toparyna dolanan Kristiano Ronaldo UEFa Çempionlar ligasyndaky 177-nji duşuşygyny oýnady we Iker Kasilýasyň rekordyny gaýtalady. Ronaldo “Ýang Boýz” bilen geçirilen duşuşykda tapauwtlandy. Ýöne bu gol onuň toparyna ýeňiş getirmäge ýetmedi. “Ýang Boýz” topary duşuşygyň ikinji ýarymynda geçiren 2 goly bilen 2:1 hasbaynda ýeňiş gazandy.
Ronaldo bassyr 17 möwsümden bäri Çempionlar ligasynda gol geçirdi we ol Çempionlar ligasyndaky gollarynyň sanyny 135-ä ýetirdi. Bu görkeziji bilen öňdeligi eýeleýär.
Şeýle hem Ronaldo Çempionlar ligasynda 36 dürli toparyň derwezesinden pökgi geçirip, bu ugurda Lionel Messiniň rekordyny gaýtalady.
BELARUSLY EMIN TARYHA GIRDI
Çempionlar Ligasynda “Sewilýa” bilen “Red Bull” toparlarynyň arasyndaky duşuşykda eminlik eden belarusly Alekseý Kulbakow duşuşygyň dowamynda 4 sany 11 metrlik jerime urgylaryny belläp, Çempionlar ligasynyň taryhyna girdi.
“BAWARIÝA” GÜÝÇLIDIGINI SUBUT ETDI
Germaniýanyň “Bawariýa” topary myhmançylykda Ispaniýanyň “Barselona” toparyny 3:0 hasabynda utup, güýçlidigini subut etdi. Lionel Messiniň gitmegi bilen has-da ruhdan düşen “Barselona” topary Çempionlar ligasynda garaşylan netijäni berip bilmedi.